FI專訪｜林溢欣：六位超級狀元報讀創紀錄

FI專訪｜林溢欣：六位超級狀元報讀創紀錄

每年 DSE 放榜日，最為緊張的除了考生和家長，當然還有眾多老師。Fortune Insight 訪問了全港最多學生報讀的凝皓教育創辦人林溢欣，原來今年八位超級狀元竟然有六個都是他的學生。

今年八位超級狀元竟然有六個都是林溢欣的學生。

“我知道之後都好驚訝，當然以前每年都有狀元係我學生，但今年六個都係就真係未試過。” DSE 是一個拉 curve 的遊戲，有人歡喜就必定有人愁，對著那些考得未如理想的學生，林老師又有什麼話要說？

“考前要執着，試後要放低。其實好多狀元或者尖子入到大學反而更加迷失，相反即使失手嘅人，只要佢認清咗自己人生嘅方向，有時更加容易走出自己嘅路。”

由試當真製作的紀錄片《公開試當真》最近在香港多家戲院，口碑很好，當中林溢欣的 “戲份” 頗重。他與多位凝皓教育的老師接下的不可能任務是利用三個月時間，幫助一位從未溫過書的考生奪得佳績。

擺明的不可能任務，最後不成功，不怕被人說補習沒用嗎？“我喺片段裏面都講過，要用三個月可以補足到人哋三年嘅努力，如果咁都做到，呢個世界都幾唔公平。咁短時間裏面，我哋喺好幾科都幫到阿康升咗最少一個 grade，已經係難度九點九嘅事。”

林老師從事補習十二年，由入行初期已經一躍成為全港最受歡迎 (每年學生人數最多) 的補習老師，時至今天這個最受歡迎的光環仍未 “斷纜”。要做補習第一，有什麼秘訣？

由入行初期已經一躍成為全港最受歡迎 (每年學生人數最多) 的補習老師。

“你教嗰科，就一定要對嗰科有深厚嘅認識同埋熱誠，呢個係最最最基本。其次就當然係 presentation skills，你點樣表現自己，係關乎到你喺班房裏面有幾多感染力。我自細鍾意講嘢，唔敢話係天份，但鍾意講嘢一定有著數。”

你教嗰科，就一定要對嗰科有深厚嘅認識同埋熱誠，呢個係最最最基本。

這次林溢欣一人能有六位超級狀元堪稱一項紀錄，多位 KOL 包括陶傑和麥明詩都公開表示厲害。