【股壇衝鋒車】如珠如寶的珠寶股(周沖)
執筆時,周五預計都係打大風,大家應該可以多個Long Weekend,所以周沖同戰友都諗住下午休息一下,反正大市都係升唔穿23500水平。不過,好多股仔都亂炒一通,周沖繼續努力睇通告物色好股,今日想講講隻被人洽購的民生珠寶(01466)。
民生珠寶由民生國際(0938)分拆出來,剛剛公布正被洽購,之後股價都係維持係2蚊以上水平,市值大約6億半。睇番另一隻華資又啱啱賣左盤既,周沖諗到理文手袋(1488.HK)。之前佢賣殼再GO嗰時作價1.18元,相當於約8億元市值,GO完之後就炒到上去1.7水平,市值逾14億。
華資佬的性格大多一樣算到盡,唔想平賣資產,所以今次民生珠寶埋檯,周沖估計最少都要8億樓上先肯賣,咁計數大約都要升多3成先夠,大約$2.6樓上。見到出公告前有春江鴨跟進都無打穿,估計幕後人士應志不在此,係2蚊邊收集下,之後等公布買家是誰,再睇睇有冇概念,如果有人頭有概念,分分鐘持貨一段日子,回報遠不止兩三成。理文手袋已經有版你睇,Long Weekend快樂!!
買入價: $2 目標價:$2.6 止蝕價: $1.8
周沖