【專家分析】中電信A股唔啱長揸?
【Now財經台】中國電信(00728)噚日通過咗A股嘅上市申請,令佢有機會成為今年以來全球最大嘅新股集資。公司近日有唔少利好消息,例如話會配發50%新股畀戰略投資者、回A後派息比率喺3年內會升超過70%、上半年嘅內地5G基站總數增至逾96萬個等。
華盛証券證券分析師聶振邦就相信,改股息政策刺激性較短暫,不過消息暫時傾向利好,而5G消息喺未來1至2月對股價會有刺激作用,但基本面或會因加快步伐興建網站,增加成本而轉弱,故中長線投資價值唔高,反而博短炒同增加派息就可考慮吸納少少。