【專家分析】 唔好低估Omicron殺傷力
【Now財經台】首先發現變種新冠病毒Omicron嘅南非,單日感染人數跌至兩周低位,歐洲多國實施更嚴格嘅防疫措施,成功令個案減少,多隻旅遊相關股,嘉年華國際、Expedia、金沙等噚晚都打入標指升幅榜前列位置,Omicron疫情爆發近1個月,實際影響有幾大?
艾德證券期貨投資策略總監文錦輝指,雖然歐洲嘅防疫措施可以減低爆發嘅機會,但都唔好低估Omicron嘅影響,因為Omicron已經殺入英國社區,喺歐洲嘅傳播速度好快,一旦殺入歐洲其他國家,醫療系統隨時頂唔住,到時就要做家居隔離,即使政府唔封關,經濟都會受影響。佢又話,暫時Omicron喺美國社區擴散情況受控,不過,一旦大爆發,相信華府都會推出好辣嘅抗疫措施,如果未來半個月美國嘅輸入個案唔多,意味疫情仍受控。