日本佛系男裸辭 推出「陪伴出租」服務賺大錢 每日穩賺$2,000!
近年經常聽到以「佛系心態」面對生活,認為緣分到了自然會來。而日本男子森本祥司就完全仿效呢種心態,突然從公司辭職,只係靠「乜都唔做」嘅工作賺錢。不過呢份獨特嘅工作卻竟然成功令佢賺到一筆可觀嘅收入,其後佢嘅特別經歷仲被寫成書及翻拍成電視劇! 而來自日本嘅36歲男子森本祥司同唔少人一樣,曾經擁有一份穩定嘅職業,於出版社任職編輯工作。不過佢工作壓力大,經常都會令佢唔開心,所以就決定裸辭,正式成為一位「閒人」!然而,佢並冇因此而完全放棄自己嘅事業發展,仲發掘到一個非常獨特嘅新工作「陪伴服務」!自2018年,森本祥司開始於網上推出「出租服務」,而最特別嘅係佢所提供嘅並非租借物品,而係將自己租出去?!工作嘅內容主要就係靜靜咁陪伴客人,期間唔會干擾客人要做嘅嘢,彷彿空氣一般嘅存在!過往佢嘅工作範圍非常廣泛,例如:陪主人們遛狗、玩《Pokemon Go》、聽打工仔訴苦等,而佢就只會作出簡單嘅反應,並非提供專業意見,只係單純陪伴客人! 而每次服務的收費大約係640港幣,生意比預期中好!起初推出「出租服務」時,森本祥司並冇特別收取費用,只係要求客人支付車費或者餐點費。隨後,生意竟然變得越來越多,一年足足接受到逾千個客人,所以就開始轉為每次服務收取1萬日圓(約港幣643),而佢平均一日就會有3至4單生意,收入可以話係非常好! 而森本祥司特別嘅工作令佢宜家成為咗網紅,擁有23萬人追蹤,而佢嘅故事亦被改編成漫畫及電視劇推出!佢接受訪談時提及「陪伴服務」嘅起源,過往透過閱讀明白嶄新嘅人生哲理,決定以「最舒服嘅狀態」融入社會;明白大家日常承受唔少壓力,希望利用工作療癒大眾,係一份另類但有深層意義嘅工作!