福臨門被指控欠967萬貸款 入稟人要求交出灣仔鋪
被稱為「富豪飯堂」嘅酒樓福臨門被指控欠債967萬,被財務公司入稟要求清還貸款,以及交出灣仔鋪位。 善橋財務有限公司控告福臨門酒家有限公司,以及徐淑華、徐沛鈞同埋徐德強。原告話,2020年向福臨門借款600幾萬,福臨門以灣仔利文樓鋪位作抵押,之後被告未能喺2020年8月14前還欠款,限期之後亦只還咗部分欠款,連本金利息超過967萬仍未償還,所以要求抵押物業交吉。 福臨門1972由徐福全喺灣仔莊子敦道創立,佢從小學廚,曾經喺何東家族擔任主廚,福臨門曾連續4年入選亞洲五十最佳餐廳,現時由二代後人打理。