七旬翁元朗被斬死 警拘7人疑投訴噪音被買兇取命
元朗上月底有一名70歲老翁喺街上被人用刀斬死,警方調查之後,拘捕7名涉案人士,包括死者住所附近嘅餐廳東主。死者陳廣權擔任住所大廈法團委員,曾經多次投訴一間餐廳嘅噪音問題,懷疑有人不滿,買兇教訓死者,但出手過重致死。 警員琴晚拘捕7人,包括直接喺餐廳拘捕懷疑係幕後黑手嘅東主,之後又喺現場搜證。陳廣權生前曾經多次以法團委員身份,同涉案餐廳嘅負責人交涉,警方懷疑有人懷恨在心,於是買兇教訓陳廣權。 上月29號,陳廣權凌晨時份離開住所,前往工作期間突然被一名非華裔男子用刀襲擊,送院後傷重不治。