中國反制加拿大 趕走加駐上海總領事甄逸慧

早前加拿大驅逐中國駐多倫多外交官趙巍，中方今日宣布反制措施，要求加拿大駐上海領事甄逸慧5月13號前離開中國。 中方話，針對加方無理行徑，決定採取對等反制措施，將加拿大駐上海總領館領事甄逸慧列為「唔受歡迎嘅人」，已要求佢5月13日前離華，中方會保留作出進一步反應嘅權利。 趙巍被指涉嫌威脅加拿大保守黨議員莊文浩嘅海外家人，影響佢嘅決定，不過中方否認，指一貫反對任何國家干涉別國內政。莊文浩有中國及荷蘭血統，父親係香港人，而母親係荷蘭人。