內地首公布新冠死亡近6萬人 內地專家稱20日等於別國3年
國務院聯防聯控機制召開新聞發佈會,首次公布內地自放寬防疫措施之後嘅新冠死亡數字,由2022年12月8日至2023年1月12日,全國喺醫院入面有59938宗死亡個案。 死亡病例平均年齡80.3歲,65歲或以上約佔90%,其中80歲或以上約佔56%。而內地只會將新冠病毒導致嘅肺炎,呼吸衰竭引致死亡歸類為新冠死亡案例,如果感染之後,但由於其他疾病死亡,例如心臟病,就唔會計算在內。 浙江大學醫學院附屬第一醫院重症醫學科主任蔡洪流就話,全國感染速度比估算仲要快,其他國家行3年嘅路,內地只用咗唔夠20日。佢又話,唔少醫護集體喺醫院附近租宿舍住,工作到太攰就去休息,之後番去醫院繼續戰鬥。