【名家給力場】港股今年都難有起色?
【Now財經台】港股暫時連跌第5日,今朝仲一度失守25000點,今個星期嘅市場焦點一定係美國聯儲局議息,預期會宣布開始縮減買債,港股係咪仲有排跌?
《香港股票財技密碼》作者梁杰文指,依家市場大吹淡風,內地今朝出爐嘅財新PMI都冇乜起色,始終內地Q4仍受限電因素影響,而限電問題相信年底前都解決唔到。Mike又話,美國方面吹緊政治冷風,例如替換電訊設備計劃,唔多唔少會令市場擔心中美係咪再有貿易制裁,或者美方再對中國有敵意,佢估計,恒指年底前會喺24000至26000點上落,並認為港股暫時都冇乜起色。