【專家分析】中電盤數麻麻但有貨唔使驚
【Now財經台】中電控股(00002)中午出咗業績,去年少賺25%,差過預期,但收入錄得增長,售電量都上升。中電業績差過預期,雖然大市午後跌幅不斷收窄,中電股價一度跌約2%,係咪反映市場唔收貨?
uSmart盈立證券研究部總監陳偉聰表示,受去年內地煤價急升影響,雖然中電收入有增長,但經營溢利按年跌18%,加上澳洲業務「見紅」,即使本港業務穩定增長,集團純利按年都要跌25%。
Jason又話,雖然中電呢份業績麻麻,但煤價今年未必會再升咁多,加上澳洲業務「見紅」主要涉及一次性賠償問題,佢估計,呢啲情況今年會有改善,雖然呢份業績冇驚喜,但估計不至於拖低股價太多。