【專家分析】快手上市第1年預咗要捱?
【Now財經台】快手(01024)噚日收市後出咗第1季業績,虧損擴大至逾577億人仔,多家大行隨即削目標價,快手股價今日捱沽,錄雙位數跌幅兼創上市新低。到底快手呢份季績有幾差?股價短期係咪好難有起色?
股評人李偉傑指,雖然快手收入增長唔錯,但開支增加仲多,可以見到公司喺研發方面每日都燒緊錢,目的係提升市佔率,令到上市後第1張成績表冇想像中咁靚仔。
佢又話,其實快手係重施當年美團(03690)故技,投資者喺上市頭一年都係持觀望態度,等到市場消化到佢嘅公允值變化,穩定返啲,股價先有得上。Jason認為,快手只要捱得過呢一年半載,就有機會扭轉劣勢,建議投資者等呢幾日跌勢喘定先撈底,博出現技術性反彈。