【專家分析】明年吼價殘PE低科技股
【Now財經台】金龍指數連跌4日,除咗關注內地疫情,螞蟻集團旗下一直受監管機構關注嘅網上醫保互助平台「相互寶」宣布下月底停止運作。受消息影響,除美國股價噚晚要跌,阿里巴巴(09988)及京東集團(09618)港股今朝亦受壓。另一方面,科指依家距離面世以嚟低位只差約2%,後市係咪會繼續尋底?
艾德證券期貨投資策略總監文錦輝指,睇到科指仍有壓力,喺年底前要走嘅投資者都走咗,科指畀人掟到呢個位,再跌落去都冇意思,中資科技股業務冇變,只係監管加辣,除咗阿里系外,其餘大部分科技股只要符合監管要求,加上内地經濟唔係一下子急挫,相信明年投資呢啲跌倒咁殘嘅科技股冇壞,不過,如果市盈率(PE)太貴就唔好入手。