【專家分析】特步盈喜無驚喜?
【Now財經台】特步國際(01368)發盈喜,預告去年多賺最少70%,以公司2020年業績推算,2021年純利最少有8.7億元人民幣。不過公司未有主動披露最新毛利率,上唔上得返2019年水平,呢份盈喜係咪無咩驚喜?
中國通海證券投資策略聯席總監阮子曦指,特步2021年下半年純利,相對上半年算係持平,絕對係交到數。而且受早前新疆棉基數效應影響,公司預測巿盈率唔會特別高,有約20至30倍,巿場應該收貨。
Harry又話,相對2019年,特步現時業績並唔差,認為品牌未來可以持續發展,同其他體育相關股睇齊。