【專家分析】芯片股寒冬將至?
【Now財經台】半導體板塊近期走勢麻麻。上日公布業績的華虹半導體(01347)連跌第5日,一度跌近9%;中芯國際(00981)被上交所將其A股調出上證滬股通指數樣本後,亦跌逾4%。
另一邊廂,摩根士丹利警告,佔半導體產業鏈重要一環嘅記憶體產業「寒冬將至」,下調DRAM美國大廠美光科技(Micron)嘅評級至「與大市同步」並大削目標價近三成,預測DRAM價格明年有機會下跌。
早前官媒警告「缺芯不是炒芯理由」,指當局已立案調查涉嫌哄價嘅汽車芯片經銷商。呢啲消息係咪拖累到板塊長遠表現?
紅蟻資本投資經理李澤銘表示,半導體行業中需求分野大,汽車芯片同消費電子產量一直供不應求,但DRAM主要應用喺電腦、智能電話伺服器,需求已放緩。
Alan又指華虹、中芯係汽車芯片製作商,加上銷售單價只升咗20至30%,較個別經銷商漲價幾倍,升幅已算溫和,相信唔會受監管影響。