【專家分析】通脹增幅少過預期市場要留意...
【Now財經台】啱啱出爐嘅美國7月份通脹增幅少過預期,市場就解讀為通脹壓力舒緩。好快就到月底JACKSON HOLE全球央行年會,係咪唔討論「息口」就可以避免刺激市場?美匯市場可唔可以造好?
東亞銀行財富管理部首席投資策略師李振豪指,通脹增幅睇落少咗,但民生消費例如一手車、住房同租房都升。如果失業率喺三個月内回落至5%,宣布縮表嘅機會就好高。
FRANK又指,JACKSON HOLE嘅重點係央行有無共識要有次序地加息,美國好可能係頭幾個有所行動嘅國家,喺9月或11月嘅FOMC就會宣布詳情,市場要關注嘅反而係自己有無能力承受減買債。市場推斷,縮表後嘅美國十年債息可能上到1.65厘至1.8厘,加上三十年債息已經升穿2%,鍾意債券嘅投資者應該留意長息債價。