【專家分析】ASM定單見頂唔使驚?
【Now財經台】今朝出咗中期業績嘅ASM太平洋(00522),第3季嘅盈利指引正面,估計收入按年增長31%至40%。高盛指,留意到ASM第2季新增定單比第1季少咗7%,半導體解決方案又按季減少19%,係咪印證咗高盛話ASM新增定單喺首季已見頂?
英皇證券研究部總監陳錦興指,由於過咗疫情轉向復甦嘅時期,所以增長唔會再咁誇張,ASM新增定單見頂都唔出奇,但半導體生意本身周期性好強,所以唔需要過分解讀。Stanley又話,依家唔少企業都加大半導體行業嘅投入,都會係ASM嘅增長動力,所以集團營運前景可以接受。