【專家分析】All In呢隻「高含金量」手設股
【Now財經台】截至今日下晝2點半,5隻表現最好科指成分股,手機設備股佔2席,分別係瑞聲科技(02018)、舜宇光學(02382),上半年唔少大行唱好手機設備股,下半年係咪可以繼續睇好?
新城晉峰分析員莫灝楠認為,手機設備股絕對要睇實,但佢只會留意舜宇,因車載鏡頭、激光雷達,同埋未來重點發展嘅自動駕駛,都需要感測器,甚至將來手機鏡頭升級,如隱藏前置鏡頭都要用到感測器。
Casper又指,舜宇技術含量高,喺行業嘅地位已經係世界前列分子,所以建議投資者重點睇實舜宇。