日本青年惡搞壽司店惹大禍被捕 受訪稱以為道歉就可
日本早前發生多宗惡作劇食店事件,唔少人都想用惡搞搏取注意,一名21歲青年惡搞壽司店之後被捕,佢保釋外出接受電視台訪問,話最初以為道歉就冇事,又話希望賠償造成嘅損失。 吉野凌雅被控業務防礙,被警方拘留左45日之後獲保釋外出,佢接受訪問話,係自己生活比較隨意惹禍,平常鐘意同朋友拍滋擾影片,本來只諗住得到人氣,但估唔到咁大件事,睇到被批評以及被捕之後,就開始驚,佢宜家已經反省有關行為,希望可以打工賠償有關損失。 吉野當時就飲店入面嘅公用豉油,模仿早前惡作劇食店嘅片,而依啲惡作劇事件,幾乎改變左日本餐廳嘅文化,唔少鋪頭都棄用迴轉壽司以及擺放公用醬油,改為直接派餐。