【股市脈搏】呷哺只得一條「生路」?
【Now財經台】相隔個幾月呷哺呷哺(00520)又「地震」,公司話旗下多間子公司表現唔好,CEO趙怡被「炒魷」,仲拖冧埋股價。
呷哺今朝低開3%後,跌幅不斷擴大,午後大量沽盤湧現,一度大跌逾16%,低見9.84元,跌至近7個月低位。
市場對呷哺兩次人事變動反應好大,上次「地震」股價大跌15%,失咗條250天線,今次連最後一條10天線都守唔住,以今日即市低位計,股價已自高位回落咗63%,市值蒸發咗180億元。
疫情下好多人少咗出街食嘢,集團中高端品牌湊湊仲未成功轉型,搞到市場對公司都冇乜信心,如果呷哺想翻身,真係要諗下點轉型。