【胡．說樓市】禁境外人買樓？得唔得先......

「甚麼叫絕望，抬起眼望望......」呢句係時下年輕人的心聲，皆因上車無望。好多人都將樓價喪升歸咎於境外買家，但究竟係真唔係？政府推限購令又可唔可行先？ 事實上，專門研究房地產的教授許智文，也認同海外生勢力佔比愈來愈重，變相推動房屋需求，由於內地學生近年不斷增加。 類近實質需求，令長策會在推算私樓供應時有計算在內，認為未來十年，每年要新增530個才夠應付。問題是撇除實質需求，境外買家有多少是投資及投機成份？ 官方數字唯一可參考的是，向海外客徵收的15%「買家印花稅」。上半年有2153宗成交被徵收這個稅項，涉及稅收58億，以每宗成交計，等於一個單位抽稅269萬，是稅項實施以來新高。 政府表明研究更強硬的「限購令」，皆因用稅項遏抑海外需求未必湊效。海外客可買公司股份，透過股權轉讓方式持有物業，達至慳稅效果外，買一手新盤，發展商也提供各種稅務回贈作賣點。 今年推售的全新盤，九個已將買家名稱登記上註冊處，涉及3219個單位，以國語併音登記買家有430個，佔成交量13%。 海外客比例最高是新世界北角「柏蔚山」，在399宗成交中，87個買家是國語併音登記，佔比22%，其次新地烏溪沙「雲海」，都屬有提供釐印回贈的項目。所以，正在醞釀的限購令，最終會否出台仍拭目以待，但實質成效如何，就很視乎當局執行力度及深度。