【專家分析】比亞迪分拆唔襟炒
【Now財經台】比亞迪股份(01211)計劃分拆旗下比亞迪半導體喺深交所創業板上市,消息刺激比亞迪股價今日「放甩」多隻車股,分拆消息可以炒幾耐?
英皇證券研究部總監陳錦興指,近月比亞迪股價主要受估值過高,同埋汽車業「缺芯」問題影響,股價冇之前咁有動力,出現較多技術性沽售,股價亦反覆調整。佢認為,比亞迪已經超賣,今日可能借分拆消息作技術性反彈。
Stanley又話,半導體業務對比亞迪盈利貢獻唔大,以舊年為例,盈利佔比唔夠1%,即使喺A股上市,估價亦唔會太高。佢估計,比亞迪股價未必可以借分拆消息持續上升,後市反而要留意汽車銷售、出貨量等數據。