任何仁都世界難撈

唔知大家仲記唔記得，消防深受市民喜愛嘅吉祥物任何仁？

話說中秋當日，原來消防處facebook再次出動任何仁，呼籲市民唔好煲蠟，同被蠟燙傷應急三招，點知留言全部都係叫消防交代「八三一太子站」真相，圖中十個燈籠有三個掛住燈謎，有人就話係有三個「掛咗」。

有市民仲留言問任何仁，可唔可以「教埋催淚彈應急」

任何仁好耐無浦頭「開工」，一出山就引起咁大爭議，仲要尋日就有三名消防員爆料，同樣都係蒙面嘅「任何人」，難怪市民亦紛紛希望任何仁都可以講出「真相」。

種種事件之後，小編非常關注任何仁，因為小編發現，任何仁各大專頁，其實已經好耐無最新，就算係上面講到嘅中秋宣傳，都只係得硬照（對上一次已經係七個部門嘅「守護者聯盟4 HK」），真人露面更就已經係二月頭嘅事，當時政制及內地事務局局長聶德權上載一段影片，片中佢同立法會議員鄭泳舜一齊備戰馬拉松比賽時，巧遇任何人學習急救方法。

任何仁本尊，已經好耐無露面。

公務員本質上都係唔做唔錯嘅工，任何仁咁啱又蒙面又教人急救咁敏感，真係世界難撈。希望呢個算係難得成功嘅政府吉祥物，唔會慢慢消失啦。

===================

19網輕鬆爆料熱線，歡迎舉報老細同事19惡行，立即click入去講畀我哋知啦