【年度總結】2018年十大扮工瘀事
踏入2018年最後一日,又係時候回顧呢一年打工仔扮工日子入面嘅「5+2」事,好多都真係瘀到冇眼睇,究竟呢十件瘀事入面,你做過幾多件?
訊息send錯group已不知,老闆已讀方知大錯。
打開網頁present,一開竟然係鹹網,原來之前睇完唔記得關。
廁所講上司壞話俾當事人聽到。
遲大到撞正老闆。
hea買聖誕禮物點知俾上司抽中,然後見到佢秒速黑面。
未轉得成工就俾對家HR打電話做reference check。
請病假去旅行撞正同事。
唔小心在辦公室或開會途中放屁。
影印完私人文件(好似身分證、求職信等)唔記得拎,然後俾同事發現,拎返俾自己。
send email打錯人名及字,Brian變咗Brain,Dear變咗Dead……
歡迎各位打工仔補充更多瘀事,並祝願各位打工仔2019年精精靈靈,多做少錯!
===================
19網輕鬆爆料熱線,歡迎舉報老細同事19惡行,立即click入去講畀我哋知啦