【懶人包】返工必備電腦技巧
又到星期四,打工仔情緒最崩潰嘅日子。
手上工作未做完,辛辛苦苦死頂3日,但又未到星期五嗰種心情,真係人人都能夠明白。
有見及此,小編決定趁呢個空檔,同大家重溫一下扮工電腦基本技巧。唔識excel唔重要,返工最緊要,識以下呢幾樣~~~
Ctrl+W
作用係立即關閉當前畫面,主管行過,立即9秒9Ctrl+W。不過,如果你主管坐喺你後面,咁就sosad了。
Ctrl+Shift+T
好多人都唔識呢個,結果等主管利開咗,又要重新開個,相當費時失事,浪費相當寶貴的扮工時間。下次你只要Ctrl+Shift+T,就可以立即開返你之前睇緊個網。
Windows+D
Ctrl+W有個缺點,就係如果你同時上網hea緊幾樣嘢,又打機又睇片又吹水,關得一個,其他又隨時穿崩。此時你應立即Windows+D,返回桌面,唯一要求,就係你要事先將桌面「佈置」好成勤力mode。
Windows+L
時下好多辦公室都無乜私隱,去個廁都都異常擔心。尤其遇著無品主管,趁你行開偷睇電腦,都唔會覺得有缺德問題。Windows+L正好幫你鎖螢幕。
Windows+R
好多主管,都深知道你處處防備,所以通常都會靠聲音來分辨你是否在工作,聽得出你明明沒有工作,卻在猛打字傾計。所以為了破解主管監控,你需要用Windows+R打開虛擬鍵盤,無錯,係虛擬鍵盤,配搭一隻無聲mouse,主管聽力再高,都唔會聽到你在打字談天。
Ctrl+F/ Ctrl+P
早有外國調查指出,很多文員也不知道Ctrl+F的存在,其實Ctrl+F,就是平日你要專登打開的「尋找關鍵字」功能;另外立即列印的Ctrl+P,也是上班的必備技巧呢。
當然,最邪惡的,當然是Ctrl+C/V了,先打開同事的文件,來一次Ctrl+C/V再開始,省下你不少工時。不過Ctrl+C/V人人都識用,唔使再重溫。
大家盡快做完堆文件,等收工吧~~
===================
19網輕鬆爆料熱線,歡迎舉報老細同事19惡行,立即click入去講畀我哋知啦