【扮工收風】亂世轉工 電話面試中伏
經濟下滑,打工仔要喺亂世轉工,絕非易事,send咗幾十封求職信,都未有一個回音。之但係最近有唔少朋友都話收到面試機會,雖然只係phone interview,但因為太耐無發市,所以都決定一試,點知最後發現有少少中伏……
1)明明約好電訪時間,打工仔一早逃離座位,搵咗個舒適空間準備接電話,點知等足半個鐘都未有人打來,終於收到電話喇,對家一句解釋都冇,就直接問ready未,ready就開始。
2)除非你面試外國公司,否則負責phone interview嘅都係時間比你多嘅HR低級員工或者只係求職中介,問你好多同份工無咩相關嘅問題,似運吉套料居多,收線前會搭多句「我哋會評估吓你啱唔啱呢份工先,啱就會再搵你,但之後都冇咗回音」。
3)好彩朋友個phone interview真係將來嘅上司負責interview,但其實聽完你講一大輪之後,佢因爲未當面見過你,所以感覺半信半疑。鬼咩,買嘢都想睇實物啦,依家有片都無真相,請個日對夜對嘅人喎,唔見過真人點安心呀!
所以奉勤打工仔唔好嘥時間phone interview,隨時只會令自己激氣。
===================
19網輕鬆爆料熱線,歡迎舉報老細同事19惡行,立即click入去講畀我哋知啦