【扮工收風】同事keyboard成日有薯片
唔好以為男同事先不修篇幅、將啲嘢亂咁擺,原來女同事都可以搞到自己個位好凌亂,仲惹埋曱甴,搞到連老闆都落指引,勒令大家執位。
辦公室亂到有曱甴,你都咪話唔驚。如果俾你發現曱甴源頭竟然來自某同事個位,你仲驚。因為經佢手俾你嘅文件,隨時都俾曱甴爬過。
朋友公司就係試過出晒事,佢觀察到某位同事個位出事,主要有幾大原因:
1)唔執枱,文件堆積如山,曱甴有得匿。
2)成日喺位食早餐、午餐,食完又唔清潔,麵包屑就咁撥落地下。
3)一枱零食,未食晒又唔包好,keyboard成日有薯片。
4)成日喺位剪指甲,彈到周圍都係。
5)每日臨走唔洗杯,擺過夜。
如果你公司有呢啲同事,真係算你唔好彩。就算你幾乾淨,都一定會被影響,幾多殺蟲水都冇用呀!
===================
19網輕鬆爆料熱線,歡迎舉報老細同事19惡行,立即click入去講畀我哋知啦