湯文亮：國內人士報復式買樓 銀主盤唔夠賣

.

尋日葉劉貼文說行山見到成個山都係銀主盤街招，於豪宅市場引來一時佳話。

原來事件仲有後續，湯文亮有就此事在臉書上回應葉劉，認為滿山街招只是嚇人的技倆：

「老實說，行山的人怎會睇賣樓街招，而點解有人貼到成個山頭都係，就是一些物業代理希望行山的人睇到成個山頭係銀主盤街招，心慌慌之下將自己擁有物業也賣走，他們就得其所哉」

湯氏認為，葉劉未必知道商場蠱惑招數，反而一等香港解封，「國內人士來港報復式買樓，多多銀主盤都唔夠賣」。

現任立法會議員兼新民黨主席葉劉淑儀，在寶雲道行山時，發現行山徑沿路有大量樓盤廣告

今年以來湯氏說過「買股好過買樓」，本來是睇淡樓市，認為今年住宅樓價會跌10至15%。但原來上個月的他已經開始無咁悲觀，分析今年樓市雖然比2009年嚴峻，因為有疫情，令賣樓退租「有出冇入」，但住宅物業保持平穩，而且他相信疫情不會永遠持續，中港一解封釋放購買力，租金與樓價很大機會掉頭上升。

湯氏不忘補上一句「並不是太樂觀」，但根據其思路是最緊要有人接盤、有租客和「業主有褲著」，即是業主有實力就會無事。佢仲話，有調查顯示約一成被訪年輕人說現在是買樓好時機，比率其實已經好高。

整理近期的樓市新聞和預測，一方面，早前國內恒大才市傳定調七折賣樓，而有內地豪客本來睇好香港前景，狂掃過多個新盤單位，包括北角柏蔚山、南昌站匯璽、何文田天鑄及皓畋等，最終被銀行接管放售，而豪客資金鏈斷裂，亦成為困擾豪宅市場一大問題，仲量聯行甚至預計豪宅樓價會下調10%至15%；但另一方面，數據又顯示第二季豪宅交投回升，逾5000萬元新盤銷售量由首季58伙升至本季（截至9月7日）的72伙，已連續兩季上升，有地產代理預測下季豪宅會「旺上加旺」。

.

或者從內地樓市趨勢可看到一些端倪？近月上海內環豪宅熱賣「被秒殺」，單套房源最高總價逾6000萬元卻「開盤即售罄」，據說是955人搶142套房源，湯氏口中的「報復式買樓」，似乎已經早在上海出現。深圳自7月史上最嚴厲的樓市調控政策「深八條」推出後， 重啟「豪宅稅」，750萬人仔單位以上就已經要納稅，變相會唔會令香港反而無咁麻煩？

點都好，等疫情稍緩，才有機會驗證葉劉定係湯文亮啱，拭目以待國內人士，會否來港報復式買樓。

===============

精選資訊網站「中環街市」 臉書粉絲頁