【熱話】麥當勞外賣仔要送埋「生日快樂」
呢個世界,搵食艱難,做外賣仔跟單搵食,面對客人各種要求,基於客人至上的大原則,在能力範圍以內做到的,通通都要做。
就好似近日網上瘋傳一張屯門區麥當勞分店的外賣送貨單,落單要個「脆味分享盒」,但備註就要求送貨員按完鐘之後,要同位大隻佬講:「陳XX 36歲生日快樂。」有人話,都係講一句啫,有咩所謂,更何況工作帶俾人開心,都係滿足感。
不過亦有網民覺得,份工係做外賣送貨,人工唔包greetings及製造驚喜。咁講亦各有道理。係怕有客人利用「備註」呢一欄玩嘢,令到一眾外賣打工仔無所適從。以下就係一個非常難判斷的好例子。
同樣係麥記送貨單,但備註果度就寫住「此地址層樓有靈體,外賣只不必要看防煙門後樓梯,最好必須念經帶護身符前來,免得日後遭遇麻煩。」講到咁,你話外賣員有幾難做吖。
聽聞Pizzahut外賣仔遭遇都一樣,被客人要求要在pizza盒上畫慶生公仔及寫上「生日快樂」字句。講真,乜人工真係包咩?
===================
19網輕鬆爆料熱線,歡迎舉報老細同事19惡行,立即click入去講畀我哋知啦