爆一爆｜《繁花》效應 揭中環神秘上海幫私竇（Louise）

《繁花》呢套電視劇吸引唔少身邊朋友追看，已退休財經傳媒人一提起劇情興奮莫名，令她憶起初出道做記者時，大陸改革開放時的上海金融景况，而專凑大陸客的私人銀行家一早搶住睇，咁同啲客仔先至有話題，而另人富貴友人呢排亦在追看，連劇中對白都啷啷上口，還特意要到置地廣場頂樓的「嘗申滙」食上海菜，正如《繁花》劇中所指吃的是人面、場面和情面。

包房最低消費一皮嘢

置地踢走了幾廿年租戶Banker's Club後，由此嘗申滙進駐，成為中環頂級上海菜，講派頭《上海總會》或 許已比下去了。

嘗申滙屬於飲食集團Leading Nation旗下，聽講有好多人夾份的，搞手係溫碧霞老公何祖光，另外騰訊主席劉熾平（Martin Lau)都有份，所以上來食飯的首要講人面。

包房的話，最低消費一皮嘢，是晚見包房食客是已退休上岸的基金佬，亦有上咗年紀舉止十分「海派」的老夫婦。我們坐係大廳窗傍，俯瞰中環海濱，本有大地在我脚下感覺，原來嘗申滙入面另有會員制的架部，近排對《繁花》入哂迷的富貴友人逐要求參觀一下，內有個Karaoke 房及雪茄吧，在此角落可盡覽中環寫字樓及半山豪宅，都有少少似置身紐約曼克頓的感覺。

我們坐住係四十五樓，望住中環一帶寫字樓，不其然數說各大小地產商孭住重磅磚頭之苦况。

置地上海項目押注80億美元

入會費要十萬銀，當中五萬元是food credit，月費$2000亦係food credit，友人一聽即蠢蠢欲動，雖已擁哥爾去球會、馬會及遊艇會等會藉，對此嘗申滙會藉甚感興趣，立即向負責人遞上名片，佢老哥話：「要坐下啲新竇先至有新靈感！我得閒上來坐下，睇下置地點樣將個場（置地廣場）大變身，咁先學到嘢。」

又係嘅，我們坐住係四十五樓，望住中環一帶寫字樓，不其然數說各大小地產商孭住重磅磚頭之苦况，銀行又已向中型地產商call loan。其實咪以為屬英資的置地無「瀨」嘢。2020年初疫情爆發之初，置地以310億人幣投咗上海徐滙濱江區一幅商業地，總投資逾80億美元打造上海西岸金融城，係歷來在大陸最大宗的投資，項目總樓面面積等於置地中環物業組合兩倍。置地呢嚿上海重磅磚頭，成為香港地產界茶餘飯後話題，因為有「I am not alone」嘅良好感覺。