【皇上扮工】雍正廢文奏摺曝光﹗
原來自古以來,已經有人鍾意廢噏。話說最近有網友轉載清朝皇帝奏摺文獻,當中廢噏之極,引來一時熱話。
雍正皇帝平均每日睇50、60件奏摺,親寫3000字硃批,就咁睇,好似好忙,但原來內容極廢,例如有福建水師提督上奏有人路不拾遺(奏報 臺灣番 拾金不昧摺),又例如有大臣炸爆雍正「郵箱」,連發22封「請安摺」,雍正亦只能廢噏「朕安」,有次就話自己近排肥咗。
至於康熙都唔弱,有臣子就下雨事件連奏好幾次,搞到康熙都忍唔住回應唔好再覆。最好笑嘅係,明明皇上住北京,你就要上奏「皇上北京下雨啦」……好啦,朕知道了。
網友睇完後覺得,廢噏確係人類傳統,根本呢類奏摺,交畀太監做咪得。諗返而家好多「打工皇帝」其實都差唔多,老seafood日日開會廢噏完,又一日,其實都唔使佢做,年尾諗下放假去邊度玩好過。可憐好似小編呢類基層打工仔,向老細請安都無時間呀。
===================
19網輕鬆爆料熱線,歡迎舉報老細同事19惡行,立即click入去講畀我哋知啦