走出情緒低谷 唔想「捱」住開工 姜濤29歲退休移民

姜濤接受美國節目越洋訪問，分享內心世界。

現年22歲的MIRROR「人氣王」姜濤「錢」途似錦，惟他早有退出娛樂圈的計劃，坦言面對海量工作令情緒出現問題，打算7年後於29歲收山，移民外國享受退休生活！

姜濤日前接受美國華語電視節目《偶像名人堂》訪問，指當年參加ViuTV選秀節目《全民造星》全因經濟不好，連付出一、二百元報名費都有困難，而《全》是免費報名，所以才參加。

比賽期間已爆紅的他，面對近年排山倒海的工作及當中帶來的壓力，承認情緒一度出問題，要將工作當成娛樂及生活，他苦笑說：「諗點捱就真係好難捱，要識得同工作人員溝通，每日識到好多人，都幾好玩。」

期間，節目主持打趣說如姜濤日後到紐約，希望有機會相約打邊爐，最愛「烚烚吓」的姜濤即表現雀躍，又自爆已定好退休計劃：「我最近同阿媽講，我Firm（肯定）29歲要退休呢件事，我係有諗過移民外國，一定要嚟一次紐約。」主持聞言指不少美國Fans會很期待，他笑說：「到時大家可能認唔出係我呢！」

擇偶唔講條件

談到經理人花姐，姜濤直言視對方為娛樂圈中的「阿媽」，指對方時溫柔時惡，但知道對方凡事都為他好。至於擇偶條件，他說一年前的答案一定是「肥肥哋、長頭髮」，但現已另有想法：「依家嘅我冇乜標準，要問吓自己係咪鍾意，如果你係因為一啲條件去鍾意一個人，我唔覺得呢個係愛情，我唔會畀自己有任何嘢去框住。」

姜濤情緒一度出問題，早前更在活動上暈倒。