餐飲股新財路：變身教育股

有教育概念的知名餐飲股，都可以有通關概念

分店經常人頭湧湧嘅大家樂，近來都發盈警預告中期少賺五成，反映餐飲業仍舊難做。餐飲業要開拓新財路，或可考慮大搞教育產業。

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

奇華餅家烘焙示範

所謂教育產業，唔係指餐飲巨企要轉戰補習社或網上教學等傳統教育戰線，而係運用老本行優勢大搞美食教育生意。這方面老字號奇華餅家就作了漂亮示範，食住烘焙熱潮，奇華餅家在灣仔開設奇華烘焙坊，烘焙坊位於一棟三級歷史建築唐樓嘅二樓單位，建築特色切合奇華老字號形象，單位設有陽台及懷舊布置，相對開設在商廈及商場嘅烘焙坊又更有特色。課程除了傳統唐餅，仲有中式點心、西式糕餅，還有節日美食如聖誕蛋糕及最受歡迎的親子班，這項大包圍課程策略，日子有功就可以儲埋大班學員，學員學得開心，自然對奇華品牌建立信心，既可開拓新財路，亦可以提升企業品牌形象。

奇華有迷你臘味卷及壽桃包班

移民港人學一技傍身

參考奇華嘅示範，有唔少企業都可以試水美食教育產業。例如美心有業務多元化優勢，由西餅、唐餅、點心、壽司到拉麵，都有人才有架生可以開班教學。至於大家樂及大快活，相信都有唔少人想學其招牌美食如焗飯、咖哩飯或燒味，大家樂可以開班教授「一哥」認證焗豬飯，特別係有意移民港人，就更想學一技傍身，有知名餐飲企業頒發證書，在外地搵餐飲工或自己開店都倍添信心。

美心有業務多元化優勢，由西餅、唐餅、點心、壽司到拉麵 (SOPA Images/LightRocket via Gett)

與旅遊平台合作待通關

如果有教育概念的餐飲股，跟今日熱炒的零售業其實異曲同工，同樣有通關概念，如果可以大搞教室，再跟內地旅遊平台合作部署，他日通關後，就有一批遊客成新客源了。

除了本地快餐，深入民心嘅外國品牌如麥當勞，另搞餐飲教室，開設漢堡親子班、自製開心樂園速成班，吸引力或更勝麥當勞生日會。有了教室，配合Mirror宣傳又可以把Mirror教授炸雞班作為抽獎獎品，推廣攻勢就可以打出更多更有具威力嘅變化球吧。

相關報道：

• 據報中港最快下月中通關 周大福/莎莎/六福續升4.5%-8%