【地產專題】炒樓搵快錢沽剩七間屋 「碩士經紀」：樓市已轉勢

八年前有對兄弟成為了市場焦點：哥哥曾漢輝是抗拒買樓的牙醫，弟弟曾漢文是瞓身炒樓、高峯期揸13個物業的「碩士經紀」，當時惹起了「應否炒樓搵快錢」的爭議。八年後的今天，樓市歷經起起跌跌，記者找來弟弟曾漢文，回顧他與哥哥一路走來的足迹。究竟誰對樓市的觀點正確，終於揭盅。

曾漢文現任地產中介公司志達行經理，比起炒樓心得，他講及買車經驗時更雀躍，又自爆不只有當日代步的Range Rover，「我仲有一架Audi，一架Benz私家車，一架Benz四驅車。另外買咗一張港珠澳牌，同埋一張沙頭角中港牌。呢啲牌供應有限，有得升值啊！」反而手上物業因為「每年都賣一啲」，已由高峯期的13個降至現在的7個，「身家未有1億，都係8位數，實際幾多等人哋自己估啦！」

有本錢逍遙過日子，與炒樓密不可分，曾漢文大學時在志達行兼職，眼見老闆這類上一代人的發達方程式，是買樓等收租和升值，套得另一筆本金再買樓，因此他疊埋心水要做地產經紀，希望利用身處最前線的優勢，搶先奪下市場筍盤。2006年中，正在攻讀港大碩士課程的他初嘗甜頭，由於長期跟進一名持大埔某村屋2樓物業的客人，這客人抱怨樓上單位漏水，與單位業主發生爭執，結果雙雙以低市價急售單位，免得「眼冤」。他知道單位其實沒大問題，迅速找朋友一同買入上層單位，自己則以110萬元接手2樓單位，低當時市價兩成。他們把兩個單位合併裝修成複式單位，翌年轉手，賺得50萬元的差價。

後來曾漢文炒樓本錢漸大，在2007年接到一個粉嶺村屋單位放盤，查冊後發現業主已申請了3次按揭，其中從財務公司累借逾200萬元，吼準對方等錢使，便帶備整筆現金利誘問他，「我哋all cash，平啲賣得唔得﹖」結果本叫價430萬元，變成390萬元成交，持貨至2009年以接近600萬元沽出，賬面賺近210萬元。如是者重覆低買高賣，今年35歲的他已家底豐厚。

另一邊箱，任職牙醫的哥哥曾漢輝，深信開診所做生意才是最實際。他固然薪高糧準，8年前他指要租用弟弟的大埔廣場單位，平日食飯盒和搭3小時巴士上下班。曾漢文替哥哥抱不平，指哥哥早有能力上車，僅是理念不同，「其實佢買樓係比我有優勢，因為銀行好樂意借錢畀佢。只不過佢係專業人士，理想係買堅道嗰種樓襯返身份，先搞到好耐都冇買。」除了眼角高，曾漢輝堅信實幹為先，又偏好流動資產，優先用資金來擴張自家診所和投資股票等。

2014年，曾漢輝結婚買樓上車。他買下一個何文田區單位，又見同行喜到英國投資物業，買埋一份。雖然哥哥相對遲了8年才加入「磚頭黨」，但曾漢文相信哥哥的身家已追上來，「物業資產我多啲，但如果講身家，佢計埋股票定存嗰啲，大家應該差唔多。」記者曾找曾漢輝，但他未有回覆。

對於樓市，他認為已經轉勢，自己手持物業亦降至低水平，一來覺得樓價高得如奢侈品，月薪3萬元的打工仔盡用按揭成數上車也有難度，購買力不多；二來收租回報率已跌至2厘水平，並不吸引。

過往曾漢文很響往成為專業人士，但投入社會打滾8年，得出的結論是發達與否，食正時勢比埋頭苦幹更重要，「專業人士係用時間換金錢，每日返工10個鐘。」他的大哥如是，「佢哋絕對係搵到錢，但我追求嘅唔係呢樣嘢。如果我唔開心，即刻去泰國旅行一個星期都得，我而家係要自由。」香港的畸型樓市，造成了兩兄弟的不同命運。

記者：余秉峰

曾漢文高峯期揸13個物業，他為哥哥抱不平，指哥哥早有能力上車，僅是理念不同。