三大理由 優品360唔會死晒

.

近來香港多了一批逢周末就遭殃的「裝修股」，其中被標籤為福建幫背景的優品360係最受衝擊的一隻，甚至有分析指此股翻身無望。但凡事講得太死只會變「燈」，優品360至少有三大理由唔會死晒。

首先係同情分極速累積，優品360管理層近月保持低調，現今因為所謂股東背景各分店就持續被裝修，甚至被人乘機搶貨，其遭遇開始獲街坊同情。只要你在周末過後早晨在各區優品360分店門口偷聽一下，都會留意到越來越多街坊拋出「唔使咁下話」感慨，要知道做「民生」生意得街坊得天下，街坊同情分急升，對優品360生意翻身大大有利。

其次係優品360可以乾跌亦可以乾升，此話何解？證監會六月曾指優品360股權高度集中，19名股東連同控股股東持股比率達95.77%，換言之街貨少得淒涼。有此鐵索連舟結構，加上優品360本身高市盈率，即使經歷這一轉股價衝擊，大股東團隊要把股價挾上去其實唔難。

.

三係潛在新水喉，早前傳聞國家隊要加快進駐香港市場，「民生」戰線自然不可少。優品360這類市值不大又有實質業務的零售股正是上佳投資對象，獲新水喉注資，亦可以解決股權高度集中問題。

而且另一隻同類零售股CEC亦跌到殘，優品與之市值比例開始拋離（由年初的3.7倍大增至今天的6.9倍），如有國家隊資金一口氣買起這兩大品牌控股權，是可以一統本地雜貨店天下，成本亦較收購超市及便利店來得平，值得考慮也。

===============

精選資訊網站「中環街市」 臉書粉絲頁