【上位必殺技】幫上司升職再坐佢個位

 

上位呢回事，唔係想像中咁難，聽吓外國專家「教路」，睇吓香港打工仔啱唔啱用。

1.幫上司升職再坐佢個位

肯尼迪高管獵頭公司負責人喬治．斯特格曼提到，幫助經理就是在幫助你自己，因為幫助你的上司升職，然後就可以接任佢嘅職位。在幫忙的過程中，一定要展示自己的實力，如果唔係等於倒自己米。一般來講，幫到上司補位，令上司在老闆面前有好表現，一旦上司成功上位，一般都唔會待薄功臣。

2. 明智地選擇上司

喬治．斯特格曼仲提到，做下屬都要有眼光，識得揀工之餘，仲要識得揀上司。軟弱的上司會認為一山不能藏二虎，而強大的上司則認為你可以幫助佢一齊上位。

3. 在上司要之前做好

想上位，做嘢一定要自動自覺。在英國謝菲爾德從事職業指導諮詢服務的助理諮詢師露西．歐文斯 (Lucy Owens) 就建議，如果打工仔想「擦鞋」，最正確的方法係，在上司意識到自己需要乜嘢之前主動奉上。

就好似歐文斯的一位同事有次參加了一場高級管理人會議，仲靜雞雞為佢「脾氣有些暴躁、很難打動」的經理抄筆記。因為呢位同事知道，會議結束後，經理要去見客並且需要會議的內容。於是呢位同事好快就將會議的重要內容打晒出來，然後交畀經理。經理當時嚇了一跳，仲講咗句「非常感謝」。之後，歐文斯的果位同事就「水鬼升城隍」。

4.做嘢要有上司質素

「好好利用你職業生涯中的每一次機遇。」德勤會計師事務所美國弗吉尼亞州分所負責人黛博拉．戈爾登 (Deborah Golden) 係咁講，想下屬嘗試影響別人、創新同制定策略。「如果別人聽從你的建議，這就展示了你的領導能力，唔止係管理能力。」請把握機會好好發揮。

除咗第一招香港人會有「打完齋唔要和尚」風險，其他似乎都十拿九穩；如果做足上面呢4樣都冇職升、冇位上，請搵以上外國專家算帳……

來源︰BBC Capital

【相關搜尋】好鐘意返工係鬼上身?

===================

19網輕鬆爆料熱線，歡迎舉報老細同事19惡行，立即click入去講畀我哋知啦