雅虎香港財經 
九巴推「星級返工專線」 豪華巴士捲土重來？
九巴公布推出兩條「星級返工專線」，以新增高規格配置為賣點，究竟沉寂多時的豪華巴士服務會否捲土重來？
美股、外匯、加密貨幣免費即時報價，自選投資組合獲取相關新聞提示。
「通天巴士」深入民心
初代豪華巴士應該係啟德機場年代，往返機場的「通天巴士」。當年通天巴士標榜有冷氣及軟墊坐位，在無冷氣巴士為主流的年代，這兩大配置已算係相當豪華。「通天巴士」由於深入民心，年前九巴曾推出豪華巴士模型並掀起搶購潮。
今次豪華巴士捲土重來，從經營角度睇九巴部署好合理。首先係屯馬線開通後，雖然元朗、屯門可直達紅磡至九龍東及沙田、馬鞍山，但繁忙時段車廂擠逼情況再加倍，搭西鐵過海在南昌落車轉車就更有難度。這時候九巴推兩條來往港島至屯門、元朗新線，更破天荒以不設企位、配置窗簾及加倍舒適座椅為賣點，加上USB充電及車內Wi-Fi，相信唔少返工放工想補眠的上班族，都樂意付出三十幾蚊一程豪一豪。
疫後全民返office機遇
九巴再推豪華巴士線，相信亦瞄準疫後全民返office機遇。過去一段長時間邨巴搶去唔少豪華巴士市場，但經歷旅遊業停擺、大量上班族彈性上班，邨巴公司經營倍感吃力，加上運輸處對審批邨巴路線相當嚴格。九巴捉著此契機，以豪華巴士逐步吸納願意搭貴車的邨巴客，或可以搶回曾幾何時超穩固的邨巴市場。
花姐MIRROR做「豪巴大使」？
假如「星級返工專線」大受歡迎，豪華巴士仲可以增加乜嘢服務？考慮到防疫因素，嘢飲嘢食可免則免，反而放一部濕紙巾及口罩售賣機較實際。另外亦可仿效客機椅背增設小電視，但就唔係播煩人的自家節目，皆因乘客要睇嘢用手機就夠，反而提供乘車訊息如路線圖、巴士位置及預計到達時間，當公路有塞車時可即出提示，乘客就有誘因望多幾眼，箇中靈魂當然是最好邀請花姐搭一名MIRROR成員出山做「豪巴大使」報天氣、交通，相信效力較以往巴士硬播硬銷廣告節目更有效。
相關報道：
