香港股市 已收市

今日人工得$12,000唔緊要 一定要學識「真努力」|Purple弟弟

職場

【今日人工得$12,000唔緊要 一定要學識「真努力」】有人話,現代人愈嚟愈悲觀,佢哋唔明白,嗰啲說話只係陳述句子,當中沒有帶一絲情緒。「樓咁貴儲十世都買唔到啦!」、「無父幹已經輸了,李嘉誠都係書香世家出生!」

撰文:Purple弟弟 | 圖片:電視截圖、unsplash

延伸閱讀:

CFP考試似乎唔難 9月份有72%考生合格 認可財務策劃師年收入中位數60至80萬 | 職場進修階

香港樓市新形勢 10條大家最關心的樓市問題 幾時上車 要買首置上車盤 點揀白居二 | 香港樓市2018

以上都是事實,不過人的接受程度不一,有人接受唔到可能會出現反社會人格;

有人接受唔到,會想盡方法希望改變殘酷現實;

不過無論你係邊種人都好,認清問題的話,問題就解決咗一半。

如果你接受社會不公,出生家底係好重要,咁就希望你睇埋落去。

圖片:unsplash

想成功絕不能不努力

相對於出生好嘅人,我哋呢啲平民學習環境比唔上人哋,父母教育程度亦多數不及有錢人,人際網絡同機遇都差天共地,而惟一有機會贏嘅只係「天資」!

不過即使你天生聰明過人,但窮黑馬始終難搵到伯樂。

聰明過人當然係好事,但因為人人唔同所以都無法討論。

人工, 真努力,努力, Purple弟弟, 安於現狀, 自律, 目標, 貧富

條件差 人工只得$12,000

假如我哋天資平平,以上所有條件又係「投胎」問題,我哋控制唔到,咁答案其實已經浮面,你惟一控制到嘅就係努力!

你諗下人哋有錢又努力,你今日人工只得$12,000,條件已經差過人仲努力都唔肯,差距只會愈大,反之你努力過有錢人,即使得少少都好,總會有成果。

人工, 真努力,努力, Purple弟弟, 安於現狀, 自律, 目標, 貧富

何謂「真努力」?

假如你認同縮短貧富差距係需要努力,咁你都要學識咩叫「努力」。

如果你出身基層,應該聽過父母不時同你呻,「我咁比心機將你養育成人」、「我咁辛苦供書教學」、「我咁辛苦打兩份工」諸如此類的說話。

其實好殘酷咁講句,呢種父母非但不努力,更加係懶!

人工, 真努力,努力, Purple弟弟, 安於現狀, 自律, 目標, 貧富

唔肯跳出舒適圈

懶在唔肯思考唔肯跳出舒適圈。

所謂好努力,只係打一份工打足十年,無諗過點樣可以搵更多,比藉口自己乜都唔識,已經「做到最好」。

所以你會留意到好多四、五十歲嘅人都唔係好識用智能電話。

圖片:電視截圖

雖然佢哋日日手持iPhone,但點樣上網、點樣較靜音都唔了解,因為佢哋已經認定咗自己年紀大,係呢方面點都唔及後生。

即使係中文版面,好多嘢都係跟指示操作就解決到嘅問題,佢哋都會直接搵仔女幫忙,而唔係自己摸索一番先。

而真努力就係要改變呢種諗法,只要唔好自己搵個天花板檔住自己,其實自己可以飛更高更遠。

圖片:unsplash

再具體一啲,就係要不安於現狀以及自律,為自己訂立更高目標。

訂立方向同計劃,再自律咁去按計劃執行就為之「真努力」!

如果仲係一味死做爛做,同隻牛有乜分別?

「隻牛係日日都好勤力,但係咪發到達?」

圖片:unsplash
人工, 真努力,努力, Purple弟弟, 安於現狀, 自律, 目標, 貧富

大學畢業1年轉4次工 搵錢愈嚟愈少反而仲開心

話說最近筆者去咗一個中學同學嘅聚會,見到不少熟識的舊臉孔,而當中包括我嘅好朋友阿雞。我地互相寒喧咗幾句之後,就開始分享大學畢業嘅工作情況。

撰文:Purple弟弟 | 圖片:電視截圖、unsplash

大學畢業1年轉4次工

阿雞係大學讀啲同環保政策相關嘅學科,但同大部分嘅大學生一樣,佢自己就唔太鐘意讀緊果科,所以一直以來都奉行得過且過原則,讀完大學就算。

我最後一次見佢只係知道佢會去NGO打工。

圖片:unsplash

我:「好耐無見喇,阿雞,你最近返NGO返成點?」

雞:「我無做果度好耐,我轉咗4次工,而家返緊大學嘅研究助理。」

我:「你轉咗4次工,終於入到大學度做,咁人工一定好吸引喇!」

雞:「唔係呀,咁多份工嚟講,呢份人工最低,但同時要做嘅職責亦都係最多,每日返工都無得hea。」

我:「咁你仲繼續做?你可以試下其他舒服啲又或者人工高啲嘅工,唔需要咁辛苦。」

雞:「唔係,我而家做得好開心,因為我本身想過日本發展,而呢份工咁啱就係研究日本文化,雖然人工低,但我真係每日都有返工嘅衝勁,我咁大個仔都未試過!」

圖片:電視截圖

聽到阿雞振振有詞咁分享份工帶俾佢嘅衝勁,我果一刻竟然對阿雞有啲陌生。

相識咗整個中學生涯嘅老朋友,我都係第一次見佢雙眼發光,而佢嘅語氣同埋眼神都好似重新灌注咗靈魂,不斷給予我一種感覺,那就是熱。

圖片:unsplash

老實說,我一直以為阿雞畢業後大概也是得過且過,搵份hea工度日就算,誰不知當他遇到了人生夢想時,佢會變成超級撒亞人,為夢想跳出舒講圈。

反觀我當初dse分數比阿雞高,入到了本地最高學府,但對人生嘅熱度卻每年遞減,對份工嘅感覺根本稱不上為熱愛,也只能算是僅僅不討厭。

圖片:unsplash

現在回想起來,究竟我和阿雞當初誰比較得過且過?

文憑試中考到不錯的成績,卻對未來路向全無主見,我入讀嘅大學同埋選擇嘅學科亦都係人云亦云,每個重要嘅人生決擇都在乎他人嘅價值觀同埋評論。

讀者成績不錯,但卻失去咗自己探索可能性嘅本能,從未為人生目標有過衝動同掙扎。

圖片:unsplash

或許現在係時候我要重新出發尋覓理想,尋回人生中早已失去嘅熱血。或許會有親戚及朋友問我現在開始追夢唔會太遲?我會用《宇宙兄弟》中的一句話回答——

圖片:unsplash

「第一名和最後一名其實差唔多,有沒有到達終點先係最重要。」

人工13,000蚊 好想向上流 思想窮比銀包空可怕100倍|Purple弟弟

話去旅行貴嘅人只係食米唔知米貴 13,000蚊人工 去旅行反而更慳錢|Purple弟弟

時間 金錢 有錢人 財富 金錢時間值

延伸閱讀:

學生哥 打工仔必備 80個Word、Excel和PPT快捷鍵懶人包 | 職場入門