全城瘋搶｜快運派免費機票惹劣評 網民轟無限等「一小時」 付款才「彈返出去」 截至3點仍有9地有名額

香港快運（HK Express）今早（11日）10時半起在網上送出多張免費來回機票，引來全城瘋搶；不過，有關活動惹來多位網民劣評，部份指要等逾一個小時之餘，即使網站顯示「輪到你了」卻沒有進展；亦有人在付款階段卻「俾唔到錢」，甚至最終「彈返出去」。

截至今日3點05分，香港快運宣佈，往來東京（成田）、大阪（關西）、名古屋、高松、鹿兒島、沖繩、首爾（仁川）、曼谷、布吉及台北均已「搶哂喇」；而東京（羽田）、福岡、釜山、濟州、清邁、峴港、芽莊、台中及高雄則「尚有名額」。

在香港快運的fb專頁上，亦有不少網民批評「話要等一個幾鐘，但係等咗三個鐘都未入到」、「人生到底有幾多個一個鐘」、「​​由12:00排到而家都仲係一個鐘」，以至「真係想講粗口」等等。不過，亦有少數網民表示成功買到心水航班，其中以日本最受歡迎。

香港快運回應部份網民時則指出，由於反應熱烈、參加人數眾多，為確保伺服器操作穩定，系統將會安排參加者輪候，進入購票頁面的輪候時間會延長，而一旦進入搜尋航班網頁，請盡快選擇航班及填寫所需資料，否則逾時將需要重新輪候。此外，網站亦提醒輪候時不要重新載入。

事實上，香港快運由今早10時半起，將在網上送出約21,000張由香港國際機場贊助的免費來回機票，以給予通常居住香港人士，不包括相關稅項、附加費及其他收費，涉及日本、韓國、台灣、泰國及越南等19個亞洲目的地。同時，參加者只可選擇單人機票，而且免費機票的出發地或目的地皆不可更改。

密切留意BossMind動向！立即CLS FB Instagram Youtube