外國研究:「返工」位列第5大死亡殺手
今時今日,返工隨時變高危活動。事關有Stanford教授指出,「職場」位列美國人第5大死亡原因,其排名比阿爾茨海默氏症(Alzheimer’s)及腎病要高。
Jeffrey Pfeffer教授在其新著作《Dying for a Paycheck》中,關注職場健康問題。相關研究顯示,因為公司人事管理不善,每年導致超過12萬打工仔死亡,以及佔去全年醫療開支嘅5%至8%。佢亦舉出血淋淋嘅現實例子,辦工時間過長、工作與家庭有衝突、欠缺醫療保險、缺乏控制和自主權等,都入誘因。
事實上,職場健康惡化問題,係全世界打工仔女都同時面對緊。就如中國、日本、韓國等亞洲國家,因為工時太長,導致打工仔過勞死嘅慘劇,亦時有所聞。
至於香港,工時之長冠絕全球,唔少打工仔女嘅生活,窮得只剩下工作,難怪微笑指數排名近乎包尾。打工仔有口難言,身體有病又唔敢請假,結果身心都無法照顧好,點會唔「吽」出大病來呢?
Pfeffer指出,要改變現況,先要改善公司腐敗嘅管理模式。因為上樑不正,有嘢下樑「硬食」,搞到好大壓力。令下屬瞓覺同運動時間嚴重不足唔在講,更可能令佢哋「染上」過度進食、酗酒等不良生活習慣,為份工搞壞身體唔抵嘛。
此外,書中提及,據Mayo Clinic指比起家庭醫生,直屬上司嘅態度,對打工仔健康影響更大。皆因上司嘅「不良」管理行為,例如事無大小都要管,令下屬身心皆疲。
為保命仔,打工仔應該要更加錫身先得,而扮工呢個「養生之道」,務必好好實踐。
來源:Inc
19+精選推介
秒like 19+ Facebook!
===================
19網輕鬆爆料熱線,歡迎舉報老細同事19惡行,立即click入去講畀我哋知啦