外國研究：67%打工仔稱中彩票頭獎後仍會工作

唔少打工仔女都有同一個願望，就係中六合彩頭獎，然後辭職唔撈嘆世界。不過，外國有調查顯示，有67%受訪打工仔女稱，如果中了彩票，仍會繼續工作，去做自己喜歡嘅事。

據針對中小企市場嘅電子商務平台Volusion委託YouGov進行調查，於10月初訪問了2655位美國打工仔女。結果發現，受訪男性（70%）比女性（64%）更願意在中彩票後繼續工作。

至於不同年齡組別中，有79%嘅千禧世代（Millennials）後生仔女都係咁諗；而55歲以上嘅打工仔女，僅約一半人（54％）有此打算。

調查又指，有60%受訪全職打工仔女承認，喺返工時間發過白夢，幻想去做自己嘅夢想職業。此外，有51%嘅人更稱已諗定辭職方式，例如：

• 食完Lunch就消失，唔再返公司

• 當面訓斥自己老細

當中，X世代（35至54歲）受訪者中，逾半（51%）有咁諗過，做「職場夾心人」壓力果然好大。

事實上，在物價騰貴嘅香港，就算中了六合彩頭獎，打工仔女亦未必能祼辭嘆世界，叫做可以唔使在意人工，揀份自己喜歡嘅工作，然後教人「最緊要追尋自己夢想」。

只可惜，呢種幸福，唔輪到小編了。

來源：PR Newswire

===================

19網輕鬆爆料熱線，歡迎舉報老細同事19惡行，立即click入去講畀我哋知啦