外國調查:10大最奇怪公司規矩
各間公司各處例,入得去做,預咗要守規矩。不過,唔少無良僱主以「方便管理」為命,定下一堆唔合理規矩,欺負一班無權無勢嘅打工仔女為實。
英國求職網站CV-Library近日一項調查,就訪問咗1200位打工仔女,問佢哋覺得公司最怪嘅規矩係乜,最後得出以下「十大」結果。
1. 枱面唔俾擺飲品或食物(38%)
2. 任何病痛都要攞醫生紙(28.3%)
3. 遲到幾分鐘都要扣人工(23.9%)
4. 枱面唔可以放私人物件,包括相片和小盆栽(17.4%)
5. 去洗手間要限時(15.2%)
6. 辦公時間禁止和同事交談(15.2%)
7. 唔俾留鬚(12%)
8. 所有私人物品要擺低喺門口(10.9%)
9. 唔俾噴香水返工(9.8%)
10. 老細一嚟到要站立迎接(8.7%)
調查指出,好多僱主怕食物碎屑弄髒鍵盤,所以唔准員工喺自己位飲食。但換個角度諗,如果無人逼迫打工仔女不斷趕工,佢哋可以有時間食餐安樂茶飯嘅話,點會有人仲想屈喺公司開餐啊?
再者,有啲規矩唔止無人情味,更稱得上「唔人道」,例如枱面唔俾放私人物件、辦公時間禁止和同事交談、去洗手間要限時,仲有老細嚟到要站立迎接等,唔講仲以為自己去咗軍訓。
大家有遇過更荒謬嘅規定嗎?歡迎廣大打工仔女多多分享。
來源:City A.M
19+精選推介
秒like 19+ Facebook!
===================
19網輕鬆爆料熱線,歡迎舉報老細同事19惡行,立即click入去講畀我哋知啦