香港股市 已收市

外國調查:40%打工仔稱 為份工會去美容

講到職場嘅實力,工作能力之外,年輕都係一種競爭力。雖則話變老係無法控制嘅事,就算不再年輕,只要望落夠Young,至少有種活力充沛嘅感覺,亦無咁容易被人當作麻煩嘅「老seafood」。

美國醫美網上平台RealSelf一項調查顯示,接近40%受訪者稱,未來12個月會考慮做美容療程。而在2000位美國受訪者中,有26%表示因為想「工作時睇落年輕啲」,或「正在搵工或開始返新工」嘅關係,才考慮去美容。當中,男女比佔分別為36%18%,可見男士比女士更在意同事對自己外表嘅評價。

至於較多人想做嘅美容療程,包括牙齒美容(36%)、非手術減脂(29%)、激光脫毛(27%)、面部皮膚護理(26%)及打Botox21%)等。

此外,The Johns Hopkins University嘅研究人員指,早年曾就男性頭髮移植前後嘅照片,邀來一班參加者作評論比較。結果發現,移植頭髮後嘅男性獲更高評價,並被認為更具吸引力、親和力及事業有成。

呢個世界就係咁唔公平,生得靚啲後生啲,著數真係會多啲。打工仔女若然唔想老得咁快,說到底美容輔助只能治標,還是避開無良老細,少開OT多休息才可治本。

來源:Ladders

===================

19網輕鬆爆料熱線,歡迎舉報老細同事19惡行,立即click入去講畀我哋知啦