大劉最成功「投資」 可能就係甘比
大劉呢排無乜新聞,但佢身邊兩位親人就新聞不斷。今日最大單唔係阿仔劉鳴煒出來解釋「唔想海洋公園變商場」,就係甘比入股恒大汽車。
恒大汽車之前只聞樓梯響,又被官媒批評造車「感覺不真實」,未有實車,但甘比照入貨。
恒大汽車宣布配股,向6名投資者定向增發9.52億股新股,籌260億元,每股作價27.3元,較該股上周五收市價29.9元折讓近8.7%。甘比則以30億元認購1.125%配售股份。
一日賺逾20億
呢單算唔算係「甘比最成功的投資」呢?恒大汽車今日收市升51.67%,收報45.35元,今日最高見50元,以收市價計,甘比至少一日賬面賺20億元。
回看甘比上年仲有單大投資,就係物管業務分拆潮,斥45億元認購恒大旗下物業管理子公司5.373%股權。睇恒大呢排早因還債勢強,如果實行分拆上市,到時又有現金流改善資產負債,甘比會唔會又贏?
照咁睇,大劉最成功的「投資」,可能就係甘比了。
相關報道:
【下載Yahoo財經APP】獲全球超過1700萬人信任的美股投資工具,跨平台同步你的投資組合,一APP掌握TSLA、AAPL、AMZN等美股最新走勢。