香港股市 將在 3 小時 39 分鐘 開市

太古城樓盤舊廣告:業主位位自豪?

今日筆者收到一幅疑似太古城樓盤舊廣告,上面印住「業主位位自豪」。

該樓盤廣告刊出日期是197738日,差不多42年前﹗公開發售的是1978年陸續入伙的高山台,想當年要買一個令人自豪的單位,要1020萬(第一期76年開賣,500幾呎單位約12萬)。

當年太古城,真係太古地產代表作,今時今日,太古城仍然指標屋苑,唔少人繼續追捧,據說近日所謂樓市小陽春,多多少少都係由太古城帶動,上個月仲錄得至少10宗買賣,呎價都過2萬以上。

呢幅42年前嘅廣告,今日都應該適用,驚覺香港樓市,其實40幾年來都無乜變過~~只係「最好」呢個形容詞,已經好耐無喺香港新樓書出現(同商品說明有關?)。

不過住過太古城嘅朋友就覺得,其實真正近地鐵嘅樓唔算多,而且屋苑算舊,無外間想像中咁好住;只係今時今日做業主,300呎都可能是夢想,買太古城當然自豪~~

唔知你同唔同意呢?

===============

精選資訊網站「中環街市」  臉書粉絲頁