雅虎香港財經 太唔是何｜長者乘車優惠 倫敦係點玩法？｜400歲人瑞
話說近日睇香港新聞，其中一個吸引人瑞注意的，就是香港長者二元乘車優惠嘅討論。睇報道引述勞工及福利局局長孫玉菡披露，二元乘車優惠公帑開支由今年40億元增加至明年60億元，開支大增五成，即時引起社會各界討論。
有議員就建議減少資助及解決長者「長車短搭」問題，而港鐵及巴士公司亦應盡社會責任，協助負擔車資，又或者係建議繁忙時間長者需要以原價乘車，甚至將二元乘車優惠加價至四至五蚊等等等等嘅提議。政府表明今年內會完成檢討，但一時間「長者搭車」卻被塑造成加大政府財政壓力嘅「原因」，莫非真係要削減優惠？
正當大家都喺度討論香港老人家搭車仲應該有幾多優惠之際，人瑞又關心一下喺倫敦嘅長者乘車優惠安排係點。原來喺倫敦都有啲類似香港「長者卡」同「長者八達通」又或者係「樂悠咭」嘅安排，分別係60歲就申請得嘅"60+ London Oyster photocard"（用到66歲），同埋66歲就申請得嘅"Older persons Freedom Pass"。
香港嘅「二元優惠計劃」，就係搭大部分港鐵路線、大部分巴士、渡輪、電車、指定小巴等，都可以用二元一程搞掂。至於倫敦呢？只要揸住張"60+ London Oyster photocard"或"Older persons Freedom Pass"，就可以「免費」乘搭市內巴士、地鐵、電車、DLR（類似輕軌列車）、Overground（市內鐵路）、Elizabeth線列車部分線路、及大部分行走市內路段嘅National Rail（行走市內路段嘅全國鐵路）。不過，呢項「優惠」不適用於平日打工仔返工嘅繁忙時段，即係平日早上九點前無呢個優惠。
咁倫敦嘅老人家想周圍去，只要一卡在手，就真係可以免費四通八達周圍玩！香港可能都可以參考下限制「優惠時段」呢個做法！想知道更多倫敦長者乘車優惠，可以參考以下網站。
參考網站：
400歲人瑞 —— 40幾歲中年漢被同事嘲笑是400歲人瑞，結果憤而出走鼓起勇氣探索英倫新世界（沒有啦！我和同事關係很好⋯⋯至少我自己是這樣認為）。在重新適應異地生活的過程中，尋找他鄉生活的技巧與生存的態度。從第一身視角分享人性的矛盾、制度的差異、文化的衝擊，真實揭露財富是如何一點一滴積累，以及真人倒錢落海的經驗⋯⋯
本欄〈太唔是何〉逢周五登場，旨在分享筆者在英國日常生活體驗，給各位多一個生活參考，相關分享不存在實用資訊（抱歉！），只反映在當時情況下，筆者遇到的真實情況紀錄，大家可以當係故仔聽，參考一下。
留言、給讚、追蹤、分享，請往Facebook專頁：https://www.facebook.com/thames400
