香港股市 已收市

工作非人生的全部 別讓工作變成你的生活|Work life Balance|向OT說不

藍橘子

Work life Balance,相信係香港每個打工仔嘅夢想,如果實現得到,應該都算係一個神蹟嚟。

撰文:藍橘子 | 圖片:新傳媒資料室、網上圖片

延伸閱讀:

何遠東一個人打三份工 打拼五年做業主| 星級理財

財務自由 | 39歲退休要靠被動收入 朝朝瞓到十一點都得 | Ann姐上岸原理

Work life Balance

新婚未夠半年嘅阿Ray,一直諗盡辦法去Balance,但好可惜,不論佢提早起身返公司,搭車已經開始做嘢都好。

佢嘅生活依然畀滿滿嘅工作包圍住。有一次,阿Ray搵朋友去酒吧訴苦,佢成個人都憔悴咗好多。

最恐怖嘅係,佢每次聽到電話有訊息,就會嚇到成個人震一震。我哋問佢咩事,佢愈講愈激動,仲喊咗出嚟。

「我只係想返到屋企,同老婆煮飯,睇套戲啫。點解咁簡單都做唔到?有時我返到屋企,食完飯洗埋碗已經差唔多要訓覺,聽朝一早又要起身。我真係頂唔順…」

我哋建議Ray放個假去旅行放鬆一下心情。

返到屋企,想同老婆煮飯、睇套戲,對今時今日嘅打工仔嚟講,似乎都唔容易。

返工最慘唔係OT,而係返到屋企要繼續做

點知佢話有幾個大客好「痴身」,老闆平時唔會返公司,但會夜晚Keep住發訊息催你進度。

就算放工返到屋企,放假去旅行,都要帶部電腦不停工作或講電話,根本無一秒可以逃離到「工作」兩個字。

相信好多人都同Ray差不多,所謂嘅放工,只係個人離開咗公司,但工作依然要繼續…

長久下去對唔單止對工作無晒熱誠,連生活都一潭死水,就算遇到自己鍾意嘅電影、玩具、漫畫…都無時間睇。

呢種辛勞旋渦會令你面對所有事物都處於放棄嘅態度。

生活只有工作,長久下去對唔單止對工作無晒熱誠,連生活都一潭死水。

唔好畀工作變成你嘅生活

通常呢種人心裡都懷著一個信念,就係「唔緊要,我辭職就得㗎啦~頂唔順就辭職囉~」

但當你習慣咗被奴役,就會對辭職產生一種畏懼,反而覺得自己每一分每一秒都工作緊,有一種莫名嘅安全感。

工作唔係人生嘅全部,只係生活嘅其中一部分。千祈唔好畀工作變成你嘅生活,及早回頭是岸。

工作唔係人生嘅全部,只係生活嘅其中一部分。

為何我們不爽工作 卻對工作以外的事滿腔熱誠 因為老闆做錯了這3件事

職場 潛規則