復出開騷|肥媽信錯朋友炒燶股 自爆損失5,000萬 不敢再輕言退休
港股表現低迷,即使近日有所反彈,但距離去年高位仍跌近四成,不少股民均叫苦連天,但原來肥媽(Maria Cordero)也在股市中損失慘重。肥媽近日接受傳媒訪問時自爆,在退休3年期間,炒燶股票損失近5,000萬元,加上老公患上重病需承擔巨額醫藥費,令她醒覺「原來個天係要你做嘢,做乜話告別唔做啫」 ,不敢再輕言退休。
買入關於電燈科技股
現年69歲的肥媽表示,當初因為識人、諗住唔會衰,結果斥資5,000萬元買入了一隻關於電燈的香港科技股,並指有朋友保證「衰咗咪畀返你囉」,但最終該位朋友已破產,有關股份亦已停牌。
她又指,至今仍然記得驚心動魄的一日,當日在TVB錄影的時候,望着股價由8蚊大跌至8毫子,其後幾天更跌到8仙,最終輸剩200萬元。不過,肥媽還算樂觀,慶幸沒有「炒孖展」之餘,亦有健康可以工作,加上在世界各地的物業及舖位均已供滿,現時可以過着平穩的生活。
已寫定平安紙分身家
肥媽更透露,已經寫了平安紙分身家,其中位於海外的物業會分予孫兒,並提到「我老嘞,唔使要喇,如果佢哋唔鍾意,咪將啲物業捐咗出去囉,關我鬼事咩,我叫做有嘢留畀佢哋」。
肥媽又感慨當日低價買樓,是因為兩老打算周遊列國及探望兒孫,惟計劃趕不上變化,當兩老供完樓後,老公就先行一步;而老伴離世後,她也不再置業。
此外,肥媽早於2016年已舉行《友誼長存30週年香港演唱會》告別紅館,但事隔近6年後,肥媽將於下月27及28日重返紅館開騷。
密切留意BossMind動向!立即CLS
Powered by Mercury