香港股市 已收市

【扮工收風】上司初到貴境 被舊人杯葛

辦公室入面,唔理做咩崗位,任何人為咗自保,都會留一手,尤其對剛剛空降落嚟嘅上司,留一手絕對係對佢哋最大折磨,因為初來報到,人生路不熟,同其他部門嘅關係又唔夠其他舊人勁,所以要跣呢類空降上司一鑊,絕對唔係難事。而呢類上司亦要忌老seafood下屬三分。 

話說有朋友嘅上司初到貴境,遇到以下幾件事:

  1. 想問同事拎email睇返事件發生嘅前因後果,涉事嘅人唔send俾佢。
  2. 約其他部門開會,新上司竟然被架空,完全唔知情。
  3. 下屬之前代自己部門做嘅budget plan,都唔肯share俾新上司,仲反問上司:「點解你唔自己做?依家你先係leader。」 

上司見勢色不對,可以做嘅嘢都唔多,唯有出啲「娘爆」招數,就喺新一年特登訂製一堆印有「Share (分享)」呢幾隻字嘅波板糖,送俾每位同事,希望大家新一年都學識Share 

同事收到之後竊竊私語,細細聲講:「幼稚園咩!仲送糖。」辦公室就係現實,不如真·派糖,可能仲有效。

【相關搜尋】4招防衞辦公室欺凌者

===================

19網輕鬆爆料熱線,歡迎舉報老細同事19惡行,立即click入去講畀我哋知啦