【扮工收風】公營機構主管 要下屬幫手買餸
幫你係人情,唔幫你係道理,呢句說話絕對唔敢同上司講。話說某間公營機構嘅主管最近屋企個工人有事要飛返家鄉三星期,於是佢要同老公負責返晒屋企嘅家務,包括清潔同買餸,但估唔到佢竟然開口要求下屬喺放工時間輪流幫佢買餸。
呢位主管開會嗰陣同同事講,因為屋企工人有三個星期唔喺屋企,而佢自己公事繁重,暗示放工仲要開會,所以趕唔切到街市買餸,於是要求下屬每日放工輪流幫佢到公司附近嘅街市買餸,買不完拎返上公司俾佢,佢再直接擺上車拎返屋企。
同事雖然十萬個不願意,但都冇得say no,之但係呢位主管開始愈來愈過份,一日list一張買餸清單俾同事,買餸點開始由街市伸延到其他地方,仲開始要幫佢補充埋家居用品,包括廁所、洗衣粉、洗頭水等,因為佢聲稱上網買、屋企冇人收貨。
依家先啱啱過咗一個月,仲有兩個月,同事諗緊點甩身好,大家有冇好建議?
===================
19網輕鬆爆料熱線,歡迎舉報老細同事19惡行,立即click入去講畀我哋知啦